CiantàMazu

maggio 2009

Gli alunni della Scuola Primaria Plesso di via Roma si sono esibiti nei canti dialettali

"Fatene carà Paulin!"

 Parole de E. Azaretti  Müjica de A. Hughes

"Cume a l'é bona a pisciadela"

Parole de F.Rostan  Müjica de L. Cebrelli

Paulin, s’i t’apresenta
in turlu ben rustìu,
dui friti de çervela,
in dentixe buglìu
o in po’ de pisciadela,
nu staghe a dì de na,
nu staghe a dì de na,
ma fatene carà.
Ma fatene carà,
ma fatene carà.

Paulin urmai
tu inscì ti u sai,
chi nu s’incala
mancu se sciala,
fate curagiu,
pénsighe ben
che, a fasene carà, cunven!
Paulin urmai
tu inscì ti u sai,
chi nu s’incala
mancu se sciala.
Fate curagiu,
diteru da tü cianin:
“Fatene carà, Paulin!”

Vegni chì, Segundina,
acòstite a to’ maire,
pe’ fà ina pisciadela
pe’ a gura de to’ paire;
e urmai ti sei d’età
che ti a devi savé fà.

Nu gh’e mìa de besögnu
de tüte ste tualéte,
basta ina pisciadela
se ti te vöi imprumete,
e te vögliu cuntà
cume mì me sun marià.

Cume a l’é bona a pisciadela... (ecc.)

Paulin, s’i t’apresenta
in bon gotu de vin,
de Laite o Piematun,
Russese o Varlentin,
faitu sensa bastun,
nu staghe a dì de na,
nu staghe a dì de na,
ma fatene carà.
Ma fatene carà,
ma fatene carà.

Paulin urmai... (ecc.)

Paulin, s’i t’apresenta
in belu scciancurelu
ch’u l’é lì ch’u te vö
e ch’u l’é propriu chelu
ch’u te fa bate u cö,
nu staghe a dì de na,
nu staghe a dì de na,
ma fatene carà.
Ma fatene carà,
ma fatene carà.

Paulin urmai... (ecc.)

Cume a l’é bona a pisciadela
a pisciadela faita in cà,
nu gh’e ventemigliusa
ch’a nu a sace fà,
nu gh’e ventemigliusu
ch’u nu a vöglie mangià.
Cume a l’e bona a pisciadela
a pisciadela faita in cà.

Sciü dai Scüri u muntava
to’ paire chelu giurnu,
candu a mei pisciadela
purtava a cà dau furnu:
spedìa mi sun passà,
derré elu a nasüssà.
Cume a l'e bona,

Cume a l’é bona a pisciadela... (ecc.)